注 册 登 录
新闻频道news.xinmin.cn

上海话版新年祝福语!分分钟发发发!

除夕到,小侬在这里给大家拜年了!

除夕到,小侬在这里给大家拜年了!


每年春节,大家都要发祝福语给自己的亲朋好友!今天,小侬独家为你送来【上海话版】新年祝福,速速拿走,不谢!



NO.001


羊年到,运道来!祝侬天天开心“喜羊羊”;事事如意“美羊羊”;工作顺利“沸羊羊”;合家幸福“暖羊羊”!扬眉吐气新一年!


NO.002


新年头里,新希望。新年头里,新风貌。望羊年阿拉上海人,老人身板活络,中年人事业顺当,青年人爱情甜蜜,小人学业步步高升,门门功课呱呱叫!顶顶重要是一家门平平安安,铜钿交交关!


NO.003


我从黄浦江里撩出财水,从徐家汇买来了时髦,从新天地拿来了腔调,从甜爱路搬来了幸福,统统侪是为了送拨侬!


NO.004


羊年到,新年好,小八腊子哈哈笑。

穿新衣,戴新帽,弄堂里向放鞭炮。

大年初一忙拜年,红包拿了勿勿少。

看灯展,逛庙会,还要白相城隍庙。

初四夜里接财神,炮仗响了一通宵。

正月十五闹元宵,乃末春节算过好。

羊年健康顶重要,恭喜恭喜大家好。



NO.005


过年放爆仗,真是好白相。

劈里啪啦响,声音真闹猛。

为啥没味道,电子化爆仗。

环境老清爽,安全又响亮。


NO.006


天气预报:?屋里向,从今朝夜到头到明朝,白天仔落人民币局部有金条,中浪向倾盆美元转欧元,并有零星支票,气象部门提醒侬戴好头盔拿起麻袋准备发财,新年提钱快乐!


NO.007


羊年财神勿睏觉,半夜就等送钞票;

炮仗烟花勿求多,心有诚意顶重要;

多为别人创幸福,好运会得对侬笑;

日脚充实有福气,财神福神一道到!


NO.008


祝愿侬:赚钞票像孙悟空,财富连牢仔翻跟斗;过日脚像如来佛,好运逃勿脱手底心。


NO.009


有句闲话一直勿敢对侬讲,但是新年再勿讲就呒没机会讲了!侬真额老讨厌额,(讨)人欢喜,百看勿(厌)!最后再加一句——新年快乐!


NO.010


摇啊摇,外白渡桥就要到。看一看,外滩风景交关好。笑一笑,东方明珠好拍照。望一望,金茂大厦老老高。淘一淘,上海到处侪是宝。羊年到,跳一跳,祝大家芝麻开花节节高,微信高头多冒泡!


NO.011


朋友,侬个羊年大礼包已经出货,里向有一斤快乐,三两乐惠,收到以后侬勿要响,偷偷叫开心就可以了!我做人低调来西额,侬晓得就来三了。


NO.012


新年到,我要送侬五千万:千万快乐!千万健康!千万平安!千万知足!千万勿要忘记我!



NO.013


春节假期要过好,但是勿要忒吃力;年夜饭要吃好,但是勿要吃撑牢;出去白相要开心,但是休息勿能少;朋友联系一定要,发条信息问声好,祝侬新年炀起来。


NO.014


新个1年,祝侬2手抓牢钞票,事业3羊开泰,烦恼4分5裂,处理好7情6欲,困难离侬10万8千里,99归一是幸福。


NO.015


我祝侬辣辣新个一年里向:美格里人民币铺出铺进,卖相身材弹眼落睛,日脚过得越来越扎劲!


NO.016


恭喜恭喜新年到,

弄堂里向老热闹。

阿大阿二氽花生,

老三老四摊蛋饺。

初一早浪吃春卷,

小八腊子穿新袄,

看见长辈问声好,

拿仔交关红包包。


NO.017


勿要动!侬已经被好运包围了!奥扫拿烦恼抛脱,向快乐服帖。判决没收侬所有个嘲叽叽,额骨头碰到天花板一辈子,请大佬官监督执行!



喜欢的话,过年就直接复制转发给朋友吧!祝福他们幸福安康哦


【田小鱼综合编辑】


文章评论 0条评论

空心汤团 kong xin tang dhoe

释义:不能兑现的许诺。例:我还当仔伊真个答应我,原来是拨我吃一只空心汤团。

马上免费学习
您还未登录
用户名:
密    码:
下次自动登录    找回密码
没有账号?    立即注册

上海市新闻道德委员会社会监督投诉电话、来信来访地址及电子信箱:

1. 投诉专线电话:021-64023633
2. 社会监督来信地址:上海市闵行区都市路4855号2号楼 邮编:201199
3. 来访接待:
上海市闵行区都市路4855号2号楼
上海市新闻道德委员会举报中心
4. 投诉电子信箱:shsxwddwyh@163.com
上海市新闻道德委员会通过社会监督电话、来信来访接待、电子邮件等多种方式,受理社会各界对新闻机构及新闻从业人员新闻职业道德失范行为的举报和投诉,对违反职业道德的行为进行监督。
受理时间接待时间为:
工作日上午9:30--11:00;下午1:30--4:00

查看网站地图